Оила яке аз арзишҳои муҳимтарини ҷомеа мебошад. Мутобиқи баъзе нашрияҳои илмӣ, маҳз шакли оиладорӣ метавонист дар замонҳои дуру дароз самти умумии таҳаввули низомҳои хурди иҷтимоиро муайян кунад. Ҳар як узви ҷомеа, ғайр аз мақоми иҷтимоӣ, мансубияти этникӣ, моликиятӣ ва моддӣ, аз лаҳзаи таваллуд то охири ҳаёт соҳиби муносибатҳои оилавию никоҳӣ мебошад. Дар марҳилаи силсилаи ҳаётии инсон тадриҷан вазифа ва мақоми он дар оила тағйир ёфтан мегирад. Барои инсони болиғ оила сарчашмаи қаноатмандии гурӯҳи ниёзу эҳтиёҷмандиҳо ва гурӯҳҳои хурд аст, ки имкон медиҳад, ки талаботҳои гуногун ва мураккабе қонеъ гардонида шаванд. Барои тифл оила-ин муҳитест, ки дар он шароитҳои рушди ҷисмонӣ, рӯҳию равонӣ, ҳиссиётӣ ва ақлонӣ фароҳам оварда мешавад.